Haur-abesbatza: beroketa-ariketak eta abestiak.

Ahotsa soinean eramaten dugun musika-tresna onena bada, askotan ez diogu behar duen garrantzia ematen. Bere lanketak erlaxazioa, arnasketa eta norberaren gorputzaren ezagutza ekartzen du eta prozesu horiek zentratzen eta konzentratzen laguntzen dute.

Iraupeneko-lasterketa da eta fruituak ez ditugu berehala jasoko; ahots-lanketak denbora behar du (tamalez, askotan ez duguna...) eta pazientziarekin, abestera ohituta ez dauden ikasleengan aldaketak oso politak ikusiko ditugu.  

Symbaloo honen bidez haur-kantuan erabil ditzakegun bideo batzuk bildu ditut: beroketa-ariketak, arnasketa, erlaxazioa, bokalizazioak eta gustuko ditudan kanta afrikar batzuk.

Udaberrian kantuz. Oinarri instrumentala.

Bigarren mailan kanta polit hau lantzen ari gara. Kantatzen dugunean musika instrumentala jartzea gustatzen zait, hau da, ahotsa gabekoa, baina gehienetan musika-metodoen haur-kantek ez dute aukera hori ematen.

Kasu honetan moldaketa bat egin dut, eta "Urtxintxa" metodoaren kanta baten sarrera soilik erabiliz, oinarri instrumentala sortu dut. Gelan probatuko dugu, ziur oso polita geratzen zaigula!

Perkusiozko musika-tresnak. Jarduera interaktiboak.

Seigarren mailan, perkusiozko musika-tresnei buruz lan bat egiten da. Lan horretan sakontzeko, jarduera interaktibo hauek burutuko ditugu ikasi duguna indartzeko.

Test creado con GoConqr por MUSIKARMA KarmengoAma

Harizko musika-tresnak. Jarduera interaktiboa.

Musika-tresnak, hiru taldetan sailkatzen dira: perkusioa, haria eta haizea. 

Jarduera interaktibo honen bidez, harizko musika-tresnen izenak eta tinbreak ezagutuko ditugu.

Bostgarren mailan familia honi buruzko lan bat egiten da eta jarduera hau lan horren osagia izango da.

Mari Txindoki. Euskal mitologia.

Kantak eta ipuinak oso lotuta daude. Esan dezakegu, kantak ipuin labur musikatuak direla, baina askotan hain laburrak direnez kontatzen dutenari buruz gehiago jakiteko beharra suertatzen digutela.

Badago abesti bat "Mari Txindoki" deitzen dena (Elkar metodokoa) eta txikiekin egiten asko gustatzen zaidana, Mariren irudiara gerturatzen gaitula. Kantak horrek Mariri buruz kontatzen diguna osatzeko bilatu dut interneten ea ipuinen bat topatzen nuen eta Koldo Alijostesen web-orriarekin topatu naiz. Hortxe, euskal mitologiari buruzko kondaira asko daude, berak sortutako testuz eta bideoz beteta. Oso polita eta bikainekoa da!

Koldo Alijostesen bideoan oinarrituz Mariri buruzko bideotxo hau prestatu dut irudi desberdinekin eta aprobetsatuz, kantaren doinua ere entzun daiteke.

Bideoa ikusi ondoren, iritsiko zaigu kanta ikasteko momentua. 

Fitxa Lourdes Leal laguntzarekin prestatu dut eta Elkar-ren bertsioa ez zaidanez gustatzen, beste hau egiten dugu. Luzeagoa da eta gorputz-perkusioa edo koreografia bat egiteko aukera ematen digu.

Saiatzen gara KANON bat abesten?

Doinu bat ahots bat baino gehiagotan abesten dugunean, eta ahots horiek bata bestearen atzetik hasten direnean, KANON bat interpretatzen ari gara.

Oso ederrak badira ere, kanonak nahiko zailak dira egiteko barne-belarria oso ongi garatua izan behar dugulako eta oso erraza izaten da tonua galtzea. Errazago izan dadila baliabide hau proposatzen dut.

Kanona lantzeko bi aukerak aurkezten dira.  Alde batetik, "ostinato modura" bertsio bat entzuteko aukera dago. Honetan, kanonaren konpasak errepikatzen dira, bi konpas (hemendik aurrera eskema) lau aldiz: lehenengoa lau aldiz, bigarrena lau aldiz... eta horrek balioko digu afinazioa lantzeko. Eskema baten errepikapena entzuten den bitartean, aukeratuko dugu beste eskema bat eta lau alditan ere errepikatuko dugu, ea lortzen dugun afinazioa mantentzen.

Bestalde badago "kanon modura" beste bertsio bat. Guk gure ikasleekin batera abestu dezakegu bigarren ahotsa hasten den bitartean eta horrela lagunduko diegu tonoa ez galtzen. 

EdiLIM. Liburu digitalak sortzeko baliabidea.

EdiLIM liburu digitalak sortzeko software da, eta horiek web-formatoan argitaratu ditzakegu. Liburu bakoitzak nahi ditugun orrialdeak eduki ditzake, eta horietako bakoitzean horrelako jarduerak txertatu ditzakegu. Hemen aukera batzuk aipatuko ditut:

• Puzzleak
• Memory
• Testuak sailkatu
• Osatu
• Irudia eta testua
• Irudia eta soinua
• Irudiak mugitu
• eta abar...

Orrialde honetan adibide asko daude eta begirada botatzera animatzen zaituztet ea animatzen zareten horiek probatzera.

Programa EdiLIM-eko web-orrian deskargatu dezakegu (sakatu hemen) eta ez dugu ordenagailuan instalatu behar "ejecutable" bat delako.

Egiten hasteko, Educacontic bloggean PDF formatoan dagoen tutoriala irakurri dezakegu, oso borobila da. Bestalde, EdiLIM-eko web-orrian tutorial gehiago aurkitu ditzakegu.

Gure liburutxoa sortzea lortu badugu, gure bloggean edo web-orrialdean txertatzeko momentua iritsi zaigu. Gordeko dugu eta inportanteena, esportatuko dugu. Eta hori nola egin? 
Bideo honetan oso ongi azaltzen digute:

Nik zintxo-zintxo pauso guztiak jarraitu ditut baina bloggean txertatzeko garaian arazo asko izan ditut eta behin eta berriro saiatuz gero ez dut lortu. 
Lasai! oso burugogorra naiz eta zorionez, azkenik lortu izan dut! Orain azalduko dizuet.

Bilatu izan ditudan tutorial askotan dropboxeko karpeta publikoa erabiltzea gomendatzen da "hosting" bezala (erderaz, alojamiento web) eta modu errazan txertatuko genuke gure bloggean. Baina garai batetik honera dropboxek deusestatu du karpeta publikoa sortzeko aukera eta hortik zetorren nire buru-haustea. 

Zer egin dut bada? Drive-ek ere karpeta publikoak sortzeko aukera eskeintzen du eta horiek ere hosting bezala erabili daitezke. Liburua ezin da txertatu, baina "link" edo lotura bat lortuko dugu gure liburu digitalera eramango gaituna.

Lerro hauetara iritsi bazarete lasai, bideo-tutorial honetan oso ondo azaltzen digute. Izenburua: "EdiLIM. Publicar en google drive".
Eta........LISTO!!

EGUNERATUTA

2016ko abuztuaren 31atik aurrera Drivek web orriak doan kokatzeko aukera kendu du.

ONE DRIVE erabiltzen hasi naiz. 

Sol giltza ezagutzeko kanta. "Barraskiloa".

Aspaldi ezagutu nuen kanta hau eta geroztik txikitxuekin erabiltzen dudan ezinbesteko kanta bihurtu da. Sol giltza ezagutarazteko oso aproposa iruditzen zait. 
Istorio honetan barraskilo txikitxo bat musikaren magiaren bidez sol giltza bihurtzen da. 

Jatorrizko bertsioa erderaz dago, C&C Music Productions-ekoa da. Normalean gitarraz lagunduta abestu izan dut, baina animatu naiz grabatzera, eta horrela edozein tokitik eskura izan dezakegu.

Fitxa deskargatu nahi baduzu klikatu HEMEN.

Mitoen Sinfonia. Francisco Escudero.

Orain dela urte batzuk aukera paregabea izan nuen Berritzegune Nagusiaren laguntzarekin proiektu bat aurrera eramateko. Francisco Escudero konpositorearen mendeurrena zela eta, hari buruzko unitate didaktiko bat argitaratzeko aukera suertatu zitzaidan eta ilusioz, horri ekin nion.

Ikasturteak pasa ahala eta gelan izandako esperientziaz baliatuta, proiektu hori berritu dut eta Webquest formatora pasa dut. 4. mailan egiteko pentsatuta dago. 

Bihotzez konpartitzen dut eta erabilgarria izan dadila espero dut, konpositore honek utzitako musika-lan hau euskal kulturarako altxor bat delako.

JARDUERA INTERAKTIBOA

"Boomwhackalacka Extreme" plaka-instrumentuentzat partitura berria.

Aspaldi ezagutu nuen kanta hau, "Boomwhackalaka Extreme", boomwhackersekin (koloretako tutuak) jotzen dena eta txundituta utzi zidan. Baina gelan erabiltzeko bi oztopo ikusten nituen. Alde batetik zailtasun maila handia dauka eta bestetik, jatorriz boomwackersentzat idatzita dago, eta gelan boomwhakerseko hiru joku ditugu soilik.

Denbora pasa ahala kanta hau forma hartzen joan da nire buruan eta ilusioz, hemen aurkezten dizuet Orff instrumentuekin hau da, xilofonoekin egiteko proposamena. 

Afrikako kanta: Kokoleoko

"Kokoleoko" Liberiako kanta da. Zonalde honetan instrumenturik erbiliena djembea da, horregatik kanta hau lantzerakoan ahalik eta erritmo gehien egiten saiatu behar dugu. 
Kanta honi buruzko informazio gehiago web honetan aurkitu dezakezue: aprendomusica

Esandakoaren arabera, gure helburua da ahalik eta erritmo gehien sortzea da, horregatik abesteaz gain, kanta honi musika-tresnekin eta esku-jolas batekin lagunduko diogu. Hemen azalduko ditut erabili ditugun hiru proposamenak:

1 PLASTIKOZKO KUBOAK  

Abestiari eskema erritmiko honekin lagundu diogu:

PUN: kuboaren erdian

KA:   kuboaren ertzean

TXIS: makilak elkar kolpatuz

2 PLAKA INSTRUMENTUAK

Hau da abesti guztian zehar plaka-instrumentuek egin duten ostinatoa:

Iturria: WIX Agurtzane Goitia

3 ESKU JOLASA

Abesten dugun bitartean esku jolas hau egin dezakegu: 

Hiru proposamenak aurkeztu ondoren, hemen utziko dizuet kanta egitean erabili dugun oinarri instrumentala. Bi ahotsetan egiten dugu eta lehenengo ahotsara ongi iristeko audio honetan tonua egokituta dago: 

 

Afrikako kanta: "SI MA MA KA".

Oraindik ez ditut utzi nahi doinu afrikarrak, eta txikitxoekin gorputz-perkusioa landu nahi dudanez, kanta hau bikaina iruditzen zait.

Gorputz-perkusioa egiteko ideia Iratxe Allendek bildutako lanetatik atera dut. Bestalde, Isidro Vallesek prestatutako oinarri instrumentala gehitu dut. Ea zerbait txukuna ateratzen zaigun!

Audio hau ISIDRO VALLÉSek egin du.

John Williams. Zineko musika.

Hilabete honetan XX. mendeko konpositore bat ezagutuko dugu irratian. Beharbada, John Williams izenak ez dizue ezer esango, baina ziur hemengo bideoa ikusi ondoren denok jakingo duzuela nortaz ari naizen!

John Williams from Ana Petrirena on Vimeo.


John Williams-ek, hemendik ezagutu ditugun musikariak bezala, musikarekin lehenengo harremana txikitan izan zuen, eta musikarekiko zaletasuna aitarengandik jaso zuen. 

Berari buruzko informazio gehiago jakin nahi baduzue, klikatu beheko argazkian.

Ghana. Afrikako musika.

"Kuxkuxero" irratiari esker GHANA-ra bidaiatuko dugu. Afrikan kokatzen gara, non perkusioa musikaren ezaugarri inportateena den.
Eta Ghanan perkusioa egiteko zeintzuk dira musika-tresna inportanteenak? Ba, batez ere, bat aipatuko dizuet: DJEMBE-a.

Djembea Afrikako musika-tresnarik ezagunetako bat da. Taldean jotzen denean deia-erantzunaren eskema erabiltzen da; hau da, djembe batek dei bat botatzen du eta besteek erantzuten diote. 

Talde instrumental horietan djembe-a erabiltzeaz gain, beste hiru musika-tresnak erabiltzen dira normalean: 

                      DUNDUN-a                                                  BALAFON-a                                       SHEKELE-a

Djembe-a badirudi Kristo aurretiko 900. urtean sortu omen zela "Maninka" izeneko tribu batean. Normalean, erritu sakratuetan, jaiotzetan, ezkontzetan eta hiletetan erabiltzen zen.

Aintzinako musika-tresna bada ere, gaur egun edozein musika-motan aurki dezakegu.

Goazen ikustera nola jotzen den!

Eta animatzen bazarete, oinarrizko erritmo batzuk ikasteko TUTORIAL bat (ni behintzat bai!!!!):

Hementxe GHANA-ko dantza bat, pasada bat benetan!

Lotura honetan EduCaixari esker, Afrikako musika egiteko baliabide bat topatuko duzue.

Lotura honetan, Senegaleko erritmoari buruzko jarduera interesgarri batzuk topatuko ditugu.

Agate Deuna

Baliabide honetan Santa Ageda bezperan erabiliko dugun materiala aurkituko duzue. Bertan, letra musikarekin batera landu dezakegu eta margotzeko marrazkiak ere topa ditzakegu.

Agurtzane Goitiak prestatutako material zoragarri hau erabil dezakegu informazioa sakontzeko.

Plaka-instrumentuak jotzeko metodoa.

Blog-sarrera honetan aurkeztu nahi dizuet plaka-instrumentuak jotzeko erabiliko dugun metodoa.

Metodo honetarako sortu dut hainbat materiala eta beste irakasleak egindakoa ere bildu dut. Horrela, 1. mailatik 6. mailara taldean musika egiteaz gain, musika-hizkuntza finkatuko dugu. Ilusiorekin aurkezten dizuet, ea gustatzen zaizuen eta gela musikaz betetzen dugun.

Abestiak sortzeko erabili ditudan programak hauek izan dira:

•  Band-in-a-box, oinarri instrumentalak sortzeko. 
• Finale, partiturak sortzeko eta horietatik doinua midi formatuan gordetzeko.
•  Fotmat factory, artxiboaren extensioa aldatzeko (miditik-mp3ra)
• Audacity, band-in-a-box-en eta finale-nen sortutakoa elkartzeko, eta baita ahotsa grabatzeko. 

Irratiaren azken atala: KARMENGO ROKERO.

Kaixo!

Bost irratsaio egin ditugu jada, eta ia musika-txokoaren atal guztiak ezagutu ditugu: Hilabetearen Konpositorea, Planeta Kuxku, Euskal Txokoa... Baina azkena falta zaigu: KARMENGO ROKERO! 

Hari esker, musika-estilo desberdinak ezagutuko ditugu: rock, pop, funk, heavy, reggae, blues, soul, rap, hip hop...

Aurkeztuko dizuedan lehenengo taldea "Extreme" deitzen da, eta bere musika-estiloa funky metal bada ere, azpiko bideoa balada akustiko bati dagokio. 

Laukote hau estatu batuarra da, eta entzungo dugun kantak, "More than words", 80. eta 90. hamarkadan taldeari ospea eman zion.

Benetan ederra da! Fijatu zaitezte nola kokatzen duten ahotsa goiko soinuak lortzeko...

LETRA 

Saying I love you 

Is not the words I want to hear from you 
It's not that I want you 
Not to say, but, if you only knew 
How easy, it would be to show me how you feel 
More than words, is all you have to do to make it real 
Then you wouldn't have to say, that you love me 
Cos I'd already know 

What would you do, if my heart was torn in two 
More than words to show you feel 
That your love for me is real 
What would you say, if I took those words away 
Then you couldn't make things new 
Just by saying I love you 

More than words... 

Now that I've tried to, talk to you and make you understand 
All you have to do is close your eyes 
And just reach out your hands, and touch me 
Hold me close don't ever let me go 
More than words, is all I ever needed you to show 
Then you wouldn't have to say, that you love me 
Cos I'd already know 

More than words... 

More than words...

Giza-ahotsen sailkapena.

Giza-ahots desberdinak ezagutzeko eskema hau proposatzen dizuet. Hiru taldetan sailkatuko ditugu:

• Gizonezko ahotsak
• Emakumezko ahotsak 
• Umeen ahotsak

KASSIA

ZER GERTATU ZEN KASSIA BIZI ZEN GARAIAN?

Kassia bizi izan zen garaia Erdi Aroa izan zen. Garai horretan 10 urteko ume batek, Konstantino IV izenekoa, gobernatu behar zuen. Baina txikia zenez ardura hori bere amak, Irene enperatrizek, bete zuen.

Konstantinok gobernatzeko adina izan zuenean, haren amak ez zion tronua utzi nahi. Ondorioz, Konstantinoren aldekoak bildu ziren eta Ireneren aldekoen kontran borrokatzen hasi ziren.

Azkenik, Irenen aldekoek irabazi zuen eta hura historiako lehenengo enperatriz bihurtu zen. 

Gobernatu zuenean, zergak jeitsi zituen eta monastegi zein Konstantinoplako biztanleen alde egin zuen. Esan daiteke herritarrentzat, erregina ona izan zela.

800. urtean, Aita Santuak Karlomagno enperadore koronatu zuen. Iraultza baten ostean, Irene erreginak borroka galdu egin zuen eta Printzeen uhartetara desterratua izan zen.

Munduko musikak

Munduko musika desberdinak ezagutzeko bi baliabide.