Aurten ukelelearekin hasi gara lanean, eta hasieran zailtasunari eta antolaketari buruzko zalantzak banituen ere, gaur egun mundiala dela esan dezaket; oso-oso gomendagarria.
Gure hastapenetarako bideo batzuk prestatu nituen lehen akordeak lantzeko UKEOKE aplikazioan oinarrituz, baina askoz praktikoagoa iruditu zait txantilloi bat sortzea bideoak askoz errazago egin ahal izateko; horrela, ukelelearekin interesatzen zaidan edozein abesti errazago sortu dezaket.
Lankide baten oparitxoa aurkikuntza moduan baliatuta (miiiiiiiila esker Garazi!!!!!), Gizakia izan nahi dut abestirako bideo bat egin dut txantilloi hau erabiliz ukelearekin jotzeko.
Norbaiti bere sorkuntzak egiteko txantilloi hau interesatzen bazaio, hemen partekatzen dut, eta animatuko bazinaten erabiltzera egokia litzateke zuen lanak ere partekatzea, denon artean eskolako errepertorioa aberasteko. Animo denoi eta musikaz gozatu!
DONOSTIAKO MUSIKA ESKOLAK musika kultura zabaltzeko egiten duen lana ikarragarri itzela da. Oraingo honetan musika historian urte askotan ahaztuak izan diren emakumeak gugana ekarri egin dizkigute eta baliabide zoragarri honetan ezagutu ditzakegu.
Batzuk gelan ezagutu baditugu ere, ikusiko duzuen bezala pila bat izan dira musikan papera inportante bat bete dutenak, baina tamalez urte askotan zehar isilduak izan dira; lan honi esker, ahazteari utziko diegu.
Gelan badira zaia azaltzeko diren kontzeptu teoriko batzuk, eta horien artean, niretzat behintzat, sinkopa da. Puntutxoa abestian bezala, kanta honen helburua hitz erritmikoak erabiltzea izango litzateke erritmoa barneratzeko.
Jakinda da teoria gabe ere ikasleak gai izaten direla imitazio zein errepikapenaren bitartez erritmo hori egiteko, dena den gerorako identifikazioa da lortu nahiko nukena kanta honen melodiaren bidez.
Hori izan da bilatu dudana abesti honen bidez; alde batetik identifikazioa, bestetik barneratzea eta azkenik azalpen teorikoa sendotzea.
Sarrera honetan erakutsiko dizuet NOLA erabili Googleleko JAMBOARD izeneko arbel digitala erabiltzen ditugun fitxetan bertan idatzi ahal izateko. Azalpenak eta zuzenketak egiteko oso tresna ona iruditzen zait. Normalean egiten dudana da erabili beharreko fitxaren kaptura bat eta Jamboarden txertatzen dut (kopiatu-itsatsi).
Eta gelan ez badugu arbel digitalarik, proiektorea baizik?
PCaren URRUNEKO KONTROLA
Nire kasuan bi gela ditut, batean arbel interaktiboa eta bestean proiektorea; azken gela honetako proiektorea arbel digitala bihurtu dut.
Egin ahal izateko tableta bat beharko genuke "mando a distancia" balitz bezala erabiltzeko; hau da, ordenagailua urrunetik kontrolatuko genuke tabletaren bitartez.
Lehenik eta behin, gure gelako ordenagailuan CHROME REMOTE DESKTOP idatziko dugu barra nabigatzailean eta ondoren, (1)"añadir a chrome" eta azkenik (2)"Aceptar e instalar" aukeratuko dugu.
1
2
Estentsioa instalatu ostean, aukera batzuk agertzen zaizkugu. Interesatzen zaiguna "acceso remoto" izango da eta geziari emango diogu.
Hurrengo pausoan "acceder a mi ordenador" sakatuko dugu.
Une honetan gure ordenagailuari izendatu beharko diogu.
Ondorengoa, ordenagailuan egingo dugun azken pausoa da. Pasahitz bat idaztea eskatuko digute. Pasahitza hori Tabletean idatzi beharko dugu, beraz ongi gogoratu!
Ordenagailuan bukatu dugu, orain tableta (telefeno mugikorrean ere posible da egitea) hartu beharko dugu. OSO INPORTANTEA DA bai PCan bai tabletan googleleko kontu berdina erabiltzea, bestela ezinezkoa izango da.
Hemen ere, googleleko nabigatzaile marran chrome remote deskopt idatzi beharko dugu eta azalduko zaigu gure gelako ordenagailuaren izena. Konektatzen garenean aurreko PINa eskatuko digute. Listo! Orain bi dispositiboak konektatuak egongo dira.
Tabletean azken konfigurazioa egingo dugu:
Tabletean gure Jamboard zabalduta izango dugu eta tabletan idatziko duguna proiektorean agertuko zaigu. Espero det baliagarri izatea!
Aurten eskolan aldaketa ugari biziko ditugu eta ilusioz beteta nago. Pandemia aurretik gure eskolan hamarkada batzuen zehar txistua izan zen musika-praktikaren protagonista; nere lehendabiziko bi ikasturtetan hori irakatsi egin nuen.
Ondoren, pandemiak ekarritako etenaren ondorioz eskolarako izan nahiko nukeen ibilbide musikala birplanteatzeko aukera izan dut; DOn afinatutako musika-tresna desberdinak jotzen ikasiko bagenituen gelako orkestrazioak aberastuko genituzke. Ukelelea nolabait sartu nahi nuela oso argi neukan zoragarria delako; halere, ukelea oso gustukoa izan arren zalantza ugari izan ditut: nola antolatu gelan, ikasleak ala eskolak erostea, afinazioa, ukeleleen kopurua... baina musika-mintegiari esker esperientzia desberdinak ezagutu ditut eta gutxi-gorabehera planifikazioa eratu dut nire buruan.
Txirularekin aldiz ez nuekan hain argi, baina honek indargune handiak ditu: institutoan erabiltzen den tresna da, oso merkea eta irakurketa-interpretazio prozesua aldiberean egiten da, beraz musika-saiotan ere bere tokia izango du.
Txirula 2. ziklotik aurrera erabiliko dugu plaka instrumentuekin batera eta hirugarren zikloan ukeleleak bikoteka erabiliko ditugu txirula eta plakakin batera.
Askotan galdetu didazue ze bideo editore erabiltzen dudan nire bideoak sortzeko, eta tamalez erantzuna ez zaizue baliagarria izan ordainketa bidezkoa delako (Adobe Premiere). Aukera libreak, hau da, doakoak bilatu izan ditut eta aukera majoenen artean OpenShot gomendatu egin nizuen (post bat idatzi nuen honen inguruan), baina egia esan zituen aukera xumeegiak ziren... tira! asteko agian batzuentzat baliagarria izan da!
Orain dela oso gutxi, xataka blogean kriston aurkikuntza topatu dut, eta aitortzen dizuet Adobe Premierra ez dut deus gehiago erabiliko! Davinci Resolve ordainketa bitarteko sowtware bada ere softwarearen %80a erabiltzeko aukera uzten du DOAKO BERTSIOAN. Honek esan nahi du aukera piiiiiila dituela! Eta niretzat aukera onena AUDIOA eta IRUDIAK bertatik editatzeko aukera usten duela ere. La booooombaaaaaaa!!!!! Zenbat denbora aurrezten den!!! Nik normalean alde batetik audiorako Audacitya eta bestetik zenbait irudietarako Photoshopa erabili izan ditut, eta honekin dena bertan!!!!!
Oso funtzio partikularrak eta mugatuak daude ordainketa bitarteko moduan, eta nik erabiliko dudanerako ez ditut faltan botako.
Salseatu ditudan bideotxo batzuk utziko dizkizuet zuen burua kokatu nahiko bazenukete. Hemengo honetan, erabiltzen hasteko pauta batzuk jasoko ditugu, gure burua kokatzeko oso ona iruditu zaidana; bestalde, animatuko bazinateke hura deskargatzera, hemen lotura topatuko duzue; eta azkenik bideo honetan programa deskargatzeko tutoriala ere ikus dezakezue.
Pasa den ikasturtean Lasarteko musika-mintegian elkar lanean aritu ginenMedellin Orkestrako konpositoreen biografiak euskaratzeko. Guztira 4 bideo euskaratu ditugu: MOZART, BACH, VIVALDI eta BEETHOVEN.
Hemen uzten ditut denon eskura egon daitezen, ez dira oso luzeak, gutxi-gorabehera 10 minutukoak, eta nire ustetan, zoragarriak! AUPA TALDE!!!!
3. zikloan erabiltzeko koadernotxoa prestatu dut. Horrela, osatuta gelditzen da etapa osorako materiala. Gogoratu nahi dizuet material honen egilea Mª Lourdes Leal dela, hemen doakizuedana material honen egikotzapena eta itzulketa da. Berriro ere eskertu nahi diot bere lana; beste batzuen artean, bera izan zen sortzearen eta partekatzearen gogoa piztu zidanetako bat.
Koadernoa deskargatzeko idatzi korreo bat eta beti bezala nahi duenari bidaliko diot. Ikasturte ona opa dizuet!
Ezagutzen duzue tresna hau? Nagoen eskolan musika-saiotan lau ikasturtez lagundu didan "objektu" bat izan da, hain zaharra, hai arraroa, gela apaintzeko akaso, afinatu gabea eta afinatu ezina!!
Ikasleek nola jotzen zen galdetzen zidatenean erakusketa xelebrea egiten nien ttunttunaren antzera erabiliz, eta nik "tan ancha" gelditzen nintzen.
Ziur askok begi batez zer den asmatu duzuela, nik aldiz lau urte behar izan ditut jakiteko, baina oraindik ez dizuet esango; dena den lasai, hurrengo lerrotan pista izugarria emango dizuet. Asuntoa da badagoela eskolan arpa jotzen duen neska bat eta hark kabilak arpan bezala afinatzen zirela zirudiela komentatu zidan, baita jotzen hasi zenean ez zitzaion burutik pasa makila batekin instrumentu gixajoari egurra ematen hastea... Nire buruak behingoz klik egin zuen eta Don Googleri galderak egiten hasi nintzaizkion.
Hari pultsatuzko familiakoa, arpa txiki bat alegia, zitara izenekoa afinatu daitekena eta afinazio diatonikoa duena, nire poztasunerako xilofonotan antzera bi eskala diatonikoaz osatuta! Zenbat ate ireki zitzaizkidan momentu labur batean... Afinatu nuen eta hasi nintzen proba batzuk egiten, ondoren, gelan ikasi berri genuen kanta bat aprobetsatuz ikasleei txandaka erabiltzeko utzi nien ukelele eta pianorekin batera. Bideo honetan egindako proben emaitza batzuk ikus ditzakezue.
Tresna zaharrak badira ere, interneten topatu ditut merkea den aukera bat Cítara de Hape izenakoa. Oso interesgarria iruditu zait bere baitan partiturak jar daitezkelako erritmograma moduan eta oinarrizko erritmoak interpretatzeko primeran daude. Bideotan adibide batzuk ikus ditzakezue.
Beraz hau izan daiteke beste jostailu bat gelako orkestrazioak aberasteko. Ni animatuko naiz eta ditudanak erabiltzen hasiko gera.
Zuek ezagutzen zenituzten tresna hauek? Animatuko zinateke?
Musika-mintegian Medellin Orkestrako konpositoreen biografiak ezagutu ondoren elkar lanean aritu gara eta Vivaldiren biografia ere euskaraz prest dago. Oraingo honetan, itzulpenean eta ahotsean Irune Urteaga aritu da, eta emaitza itzela izan da. Udaberrian sartuta gaudela aprobetsatuz maila batzutan bideo hau hasi gera ikusten.
Umeei zuzendutako konpositoreen biografiak bideo-formatoan bilatzen nengoela, altxor honekin egin dut topo. Medellineko orkestrak (Kolonbia) familientzako kontzertu pedagogikoak eskeintzen ditu hainbat musikari handiei buruz: Mozart, Prokofiev, Beethoven eta Bach, besteak beste. Kontzertu horietan Javier Covok ilustratzaileak zuzenean marrazten du kontalaria eta orkestrarekin batera eta gendeari kontzertu horien berri emateko bideo-laburpen batzuk sortu dituzte. Beethovenena izan da egin dudan aurkikuntza eta hainbeste gustatu zait euskaratzera animatu naizela. Hementxe uzten dizuet, espero gustuko izatea!
Aurten Euskararen Eguna berezia izango dugu. Mendian gora abestiak ahots batean batuko gaitu denok (irakasle, ikasle eta guraso) euskararen alde abesteko.
Web-orri honetan eskolatik ala etxetik abestia ikasteko material osoa topatuko duzue. KLIK egin eta animatu parte hartzera!
Aprendo TV kanalean musikarako proposamen batzuk dituzte eta horien artean Vivaldiren bizitzaren laburpentxo hau topatu dut umeei zuzenduta. Vivaldiren udazkena lantzen ari garenez oso aproposa iruditu zait, beraz euskaratzera animatu naiz. Ea txikiek gustuko duten!
Youtubeko biedoen abiadura eta tonua aldatzen duen chrome extensioa da hau. Super erabilgarria da YouTubeko bideoen kantak gure beharretara egokitu nahi baditugu, eta gainera oso-oso erreza instalatzeko.
Azpian dagoen irudian klikatuz gero Chrome Storera iritsiko zarete.
Ondoren "Añadir a chrome" eta "Añadir extensión" sakatu:
1 2
Hurrrengo pausua izango litzateke extensio hau gure nabigatzaile-barran finkatzea, beraz irudi honetan klikatu behar dugu:
Eta ondoren, txintxetan sakatuko dugu finkatzeko:
Listo! Has zaitezte probatzen edozein YouTubeko bideotan!
Trukotxo hau Xabier Zubeldiari esker ezagutu dut, beraz, mila-mila esker Xabier aurkikuntzagatik!
Gaur oso egun berezia izan dugu goiko eskolan. Donostiako musika-eskolako musikariak bertaratu dira kontzertu bat guri eskeintzeko. Bai izan garela pribilegiatuak!! Musikaren bitartez konpositore batzuen nortasun bromazale erakutsi digute eta haiei buruzko bitxikeri asko ere kontatu dizkigute. Zenbat ikasi dugun!
Kontzertu osteko jarduera batzuk ere prestatu dizkigute, beraz gelan ere bizi izandakoa gogoratuko dugu.
Aurten 2. ziklotik gora plaka-instrumentuak erabiltzen hasiko gara. Guztiontzat tresnak direnez instrumentu horienganako ardura eta zaintza egokia sustatu behar dugu eta horretarako, aurten martxan jarriko dut ondoko sistema. Hiruhileko bakoitzean ikasle bakoitzari plaka-tresna bat egokituko zaio eta ikasturte osoan zehar tresna horiek hiru alditan aldatuko dituzte. Era honetan, ikasle bakoitza bere tresna hartzeaz, gordetzeaz eta zaintzeaz arduratuko da. Bestalde, erabilpen desegokiagatik matxuraren bat gertatuko balitz, pieza berritzeko ardura ere hartuko lukete.
Hau guztia antolatzeko konpositoreen izenaz baliatu naiz. Instrumentu bakoitzari konpositore baten izena jarri diot eta tresna bakoitzak bere gordelekua dauka apaletan.
Ikasleek jakin dezaten ze tresna egokitu zaien eta hori non gordetzen den, panel honetan begiratu beharko dute. Adibidez, "Mozart", "Clara Schumann" eta "Tchaikovsky" egokitu zaienei metalofono sopranoa joko dute.
Konpositoreen izenak ere mahaietan jarrita daude eta ikasleen esertokiak markatzeko balioko dute. Beraz, konpositoreen izenak erabiliko ditugu bai musika-tresna mailegatzeko baita ikasleen esertokiak kokatzeko.
Lehenengo egun hauek politak izan dira ikasleek bilatu behar izan dutelako egokitu zaien konpositorea eta izenak hain arraroak zirenez behin baino gehiagotan izena ziurtatzeko panela errebisatu behar izan dute.
Gelako zerrenda pasatzerakoan ikasleen izena esan ondoren, bakoitzak ahoz gora konpositorearen izena esan behar du. Modu honetan, haientzat arotzak izan daitezken izenak (Fanny Mendelsshon, Wagner...) integratzen hasiko dira. Irudiak ere panel batean jarrita daude.
Ezin izan naiz aguantatu eta topatu bezain pronto zuekin partekatzeko gogo izagarria piztu zait. Horrelako gauzak sarean topatzea kriston ilusioa egiten dit. Ainhoa Sukiaren lan ZORAGARRIA dugu hemen. Bai DBHn bai LHn egiteko baliabide pila daude berak sortutakoak app desberdinak erabiliz (ene, horietako asko ez nituen ezagutzen, zaharkitzen ari naiz!! ;-P) IKTak gustatzen zaizkigunoi haren web-orrian trasteatzen disfrutatuko dugu. Benetan sartu, pasada bat da. Zorionak Ainhoa eta mila-mila esker!!!!
Ebaluazioa kudeatzeko gehien kostatzen zaidan musika-irakaskuntzaren eremua da. Oso zaia egiten zait hirurehun ta piko ikasleen jarraipena egitea era objetiboan kontatutan hartuta idatzizko oso froga gutxi egiten ditugula, talde bakoitzak astean behin saio bat egiten duela eta jarduerak behaketan batik bat oinarritzen direla. Proiektu edo jarduea baten emaitza ez da bakarrik baloratzen duguna, ikasketa-prozesuan zehar oso inportanteak diren alderdi asko kontutan hartzen ditugu (emozioen kudeaketa, ekimena, ardura, saikaera, errespetua...). Alderdi hauek irakasleontzat funtsezkoak badira ere, ikasleek ez dute hainbeste baloratzen eta batez ere emaitzetan zentratzen dira.
Balorazio-lan honetan Errubrikak oso lagungarriak izan daitezke guztiontzat. Irakasleontzat, kalifikazio irizpideen portzentaiak eta gaitasunak baloratzeko oso modu praktiko eta objetiboa izan daitezkelako, eta ikasleentzat, momentuero gogoan izango dutelako prozesuaren nondik norakoak eta zer da prozesu horretan baloratuko duguna.
Proposamena da 2. eta 3. zikloan errubrika berdinak erabiltzea ebaluazio lana errezagoa eta praktikoagoa izan dadila. Errubrika hauek orokorrak badira ere, maila bakoitzean lantzen diren helburuei erantzuten diete zehaztapen maila gelako programazioetan adierazita dagoelako.
Hemen adieraziko dut nola lotu ditudan errubrikak programazioko zehar konpetentziekin eta kalifikazio irizpideekin. Koloretan dauden lehenengo hauek zeharkako konpetentziak dira eta azpian datozenak 4. mailako programazioaren kalifikazio irizpideak portzentaietan adierazitak.
Hitzezko, hitzik gabeko komunikazioarako eta komunikazio digitalerako konpetentzia.
Eximen eta espiritu ekintzailerako gaitasuna.
Ikasten eta pentsatzen ikasteko gaitasuna.
Izaten ikasteko gaitasuna.
Elkarbizitzarako gaitasuna.
Errubrikak irizpideekin lotzeko bost alderdi hauekin lotu ditut: banakako lana, taldeko lana, praktika instrumentala, jarrera eta entzumena. Eta horiek neurtzeko hurrengo parametroak erabiltzen ditut: hobetzeko, nahiko, oso ongi eta bikain.
Hau da nire proposamena eta erabilgarria izango zaizuelakoan partekatzen dizuet bakoitzak bere erara moldatu dezan. Beti bezala, zuen esperientziak ere partekatu nahi badituzue oso ongi etorriak izango dira; guztion aretan gure lana aberastu dezakegu ;-)
Hau da prestatu dudan EBALUAZIO KOADERNOA, mailaka eta ikasle zerrendak txertatutak:
