urria 05, 2016

Euskal musika-taldeen bideo-aurkezpenak.

Proiektu honi esker, gaur egungo euskal musika-taldeak ezagutuko ditugu. Jarduera honetan, euskal musika-talde bati buruzko bideo bat egin beharko duzue, eta horretarako bi baliabide erabili beharko dituzue: Badok eta Biteable.

   


Zer egin beharko dugu lan honetan? 

1. PAUSOA
Badok web-orrialdean sartu. Bertan, euskal musika-taldeei buruzko informazio asko aurkitu dezakegu, baina gu atal honetan zentratuko gara: musikariak.


Sartuko zaretenean, gustuko duzuen musika-estilo bat aukeratuko duzue (blues, rapa, triki-popa, rocka, reggaea, trikitia, ska...) eta ondoren, musika-estilo horretako musika-talde bat aukeratu.

Eta nola egingo dugu bideo hori?

2. PAUSOA
Bideoa sortzeko erabili beharko duzuen aplikazioa hau da: 
Zuen bideoa sortzen hasteko klikatu mezu honetan eta ondoren, bideoaren izenburua idatzi ZUEN IZENEKIN:
Diapositibak editatu beharko dituzue. Guztira 7 diapositiba izango dira eta horietako bakoitzean informazio hau azaldu behar da:
  1. diapositiba: musika-taldearen izena eta jarri nongoak diren.
  2. diapositiba: musika-taldeko partaideen izenak.
  3. diapositiba: musika-estiloa
  4. diapositiba: taldearen argazkia.
  5. diapositiba: taldearen argazkia.
  6. diapositiba: taldearen argazkia.
  7. diapositiba: hiru abestien izenburuak.
  8. diapositiba: zuen izenak.

Diapositiba guztiak editatu ondoren, musika-taldearen audio bat igoko duzue.

"Audio" jartzen duen tokian klikatu zuen audioa igotzeko.

Baina musika nondik aterako dugu?

Badok web-orriak ez du musika deskargatzeko aukerarik ematen. Hori egiteko youtubera joBertan zuen musika-taldearen izena idatzi eta aukeratu gustuko duzuen bideoa. 

 
3. PAUSOA
Youtubeko bideotik audioa BAKARRIK behar duzuenez, aplikazio hau erabiliko duzue hori lortzeko: 
Kopiatu yotubeko URL-a eta itsatsi web horretan pausu hauek jarraituz: 
  1.  URL-a itsatsi.
  2. "Convertir vídeo" klikatu.
  3.  "Descargar" sakatu.
  4.  Zuen ordenagailuko karpetan gorde.
4. PAUSOA:
Azken pausora iritsi zarete! 


"I´m done, build my video" klikatu eta apikazioak zuen lana bideoa bihurtuko du. Listo! Ez duzue ezer gehiago egin behar. Bideoa irakasleari iritsiko zaio emailen bidez eta berak zintzilikatuko du bloggean.

Lanaren adibide bat utziko dizuet: 


2 iruzkin:

  1. Aupa, Ana!
    Oso ideia ona, antzeko gauza bat prestatzen ari naiz, baina Powtoon erabiliz.
    Aspaldin hau eskatu nien, ta moldaketa egiten nabil. http://iratxeallend1.wix.com/6mailakolanak-2014-15#!

    Nik 2. ebaluaziorako utziko dut, beraz, zeure lanaren emaitzak ikusi ahal izango dut ;)

    lan bikaina!

    Ondo ibili

    Iratxe

    ErantzunEzabatu
    Erantzunak
    1. Kaxio Iratxe!
      Ea zer moduz ateratzen zaigun! Gogoratzen det iaz powtoonekin lan bat egin nahi izan nuela 3. zikloan portatilekin, baina zaharrak direnez aplikazioak ez zen kargatzen... desesperatu nintzen!(kartulinan egiten bukatu genuen :-P )Beraz, ez dut probatu, ikusiko dut ere zer moduz moldatzen diren zure ikasleak gu probatzeko, ze gogokin gelditu nintzen!

      Aurten daukagu informatika gela hartuta eta aprobetxatuko dugu bideoak sortzeko. Ea zerbait kurioso ateratzen zaien!

      Onodo izan!

      Ezabatu

Zerbait komentatu nahi duzu?