ekainak 10, 2016

Konpositore klasikoei buruzko lana: Collage interaktiboa.

Lan honetan, irratitik pasatu diren konpositoreekin  collage bat egingo duzue ordenagailuetan.
Aurten Giaccomo ROSSINI, HILDEGARD VON BINGEN, Hans ZIMMER, eta Modest MUSSORGSKY izan dira ezagutu ditugun konpositoreak.

Konpositore horien irudiekin COLLAGE bat egiteaz gain, hori interaktibo bihurtuko duzue, hau da, irudian (collage-an) bideoak eta konpositoreen biografiak txertatuko dituzue.

Ikasturtean zehar irratitik zabaldu diren elkarrizketak, biografiak egiteko informazio-iturria izango dira, baita web honetan jaso dezakezuen informazioa ere. 

Hemen, emaitzaren adibide bat uzten dizuet. Ikasle bat egindakoa da.

 
ERABILI BEHARREKO APLIKAZIOAK: piZap eta Thinglink

JARRAITU BEHARREKO PAUSOAK:

1. Konpositoreen irudiak interneten bilatu eta ordenagailuan gorde.

2. piZap aplikazioan sartu eta hasi COLLAGE sortzen. Hemen bideo tutorial bat daukazue.

Bukatzean ordenagailuan gordeko da izen honekin: COLLAGE+ikaslearen izena.

3. BILDU konpositore guztiei buruzko informazioa: bloggeko elkarrizketak eta konpositoreen orrialdea

4. Thinglink aplikazioa ireki. Hemen konpositoreei buruzko informazioa eta haien musika-lanen bideoak txertatuko dira. 
Bideo hau egite prozesuari buruzko tutorial bat da hau.

ekainak 05, 2016

"Erloju sinkopatua" Musikograma.

Musikograma hau kortxearen eta zuriaren iraupena desberdintzeko oso baliagarria. Saio batean lantzen dugu eta gorputz-perkusiotik musika-tresnen erabilpenera pasatzen gara. Hau da sekuentzia:

1. Bideoa ikusi
2. Musika gorputz-perkusioarekin lagundu.
3. Musika-tresnekin lagundu: kaxa txinatarra eta triangelua.

Gorputz-perkusiozko proposamena:
TIK-TAK: 2 txalo/2bular/2izter/2oinak
RING: zuriaren erritmoa markatuz eskuek izterrek kolpatzen dituzte eta ondoren goraka altxatuko ditugu "altxa" esaten dugun bitartean.

Musika-tresnak:
TIK-TAK: kaxa txinatarra
RING: triangelua