abenduak 22, 2016

Gabon kanten jatorria.

Gabon kantak XV. mendean agertu ziren Espainian Berpizkundean, hau da Erdi Aroa eta geroko garaian.

Hasiera batean kantu profanoak ziren. Gogoratzen duzue? Horrek esan nahi du Jainkoari edo Jesusen jaiotzari buruzkoak ez zirela.

Kanta alai hauek herriko gendearentzat interes habdikoak ziren. Badakizue zergatik? Amodioari, gende arteko liskarrei edo entierroei buruzkoak zirelako. Zurrumurru aldizkarian bezala txaskarrillo asko kontatzen ziren!

Gabon kantak kantatzen zutenak gu bezain kuxkuxeroak ziren! Garai hartako kuxkuxero horiei villanoak deitzen zitzaien, baina ez izutu, ez ziren pelikuletako gaiztoak bezala!
Villanoak baserritar libreak ziren. Hortik dator villancico hitza: VILLANO-VILLANCICO.

XVI. mendetik aurrera, eliza gabon kanten arrakasta ikusirik, horiek erabiltzen hasi zen; baina ez txaskarrilloak kontatzeko, herria ebanjelizatzeko baizik. Eta elizetan erabiltzen hasi ziren.
Gai profanoak debekatu ziren eta bakarrik onartu ziren Jesusen bizitzari buruzkoak zirenak.

Juan de la Enzina trobadoreak eta olerkilariak, hasierako kanta profano horiek asko eta asko sortu zituen. Hau da ospetsuenetako bat: "Hoy comamos y bebamos".

abenduak 20, 2016

PNG formatoan dauden irudien bilatzailea.

Bilatzaile hau Stick PNG deitzen da eta formato horretan dauden irudiak bilatzeko aukera ematen du.
PNG formatoan dauden irudiek atzealde gardena daukate. Hori oso interesgarria izan daiteke gure muntaietan erabiltzeko: power pointean edo antzekoetan, word dokumentuetan, bideoetan edo web-orrialdetan.

Argazkiak bilatzeko bi modu daude: kategoriaka edo bilatzailean. Dirudienez, irudiak dohakoak dira


abenduak 19, 2016

Erlaxazio ariketak.

Ariketa hauek Inés Castel-Brancorena den "Respira" ipuinatik aterata daude. Aula de Elena  bloggean informazio sakonagoa aurkitu dezakezue. Nik egin dut ipuin horretan agertzen diren ariketen aukeraketa bat, gehien interesatzen zaizkidanak 2. zikloko kanta-tailerrean egiteko. 

Beti erlaxazio praktika batzuk egiten ditugu, baina modu honetan, irudien bidez, sistematizatuagoa egongo da eta ikasleek beharbada hobeto barneratuko dituzte. 

Ariketen azalpen laburra eta irudiak fitxa honetan aurkitu dezakezue.

abenduak 15, 2016

"Zapateatua". Pablo Sarasate.

Aste honetako musika-txokoan idazle bihurtzeko erronka luzatu dizuet. Entzunaldi polit batekin sortu behar izan duzue istoriotxo bat, ezta?
Goazen jakitera benetan zertan datzan musika hori! Baina lehenengo musika horren konpositoreari buruz hitz egingo dizuet.
Musikari hau Pablo Sarate deitzen da eta gure etxetik nahiko gertu jaio zen: Iruñan. Bere aita biolin-jolea zen eta 2 urte zituela horrek biolina jotzen erakusten hasi zen.
Zazpi urtez bere aita baino hobeto jotzen zuen eta bere aitak hori ikusi zuenean, biolina jotzeari utzi zion.

Sarasatek zuen trebezia izugarria zen eta 7 urtekin bere lehenengo kontzertua eman zuen arrakasta handiarekin. 

Handitan, konposizioa ere ikasi zuen eta oso musika-lan ederrak idatzi zituen; ederrak eta jotzeko OSO ZAILAK, baina oso zailak izan arren horiek guztiak jotzeko gai zen. Horien artean gure musika-txokoarena aurkitzen da: ZAPATEATUA.



Eta zertan datza? 
Zapateatua izeneko dantza irudikatzen du. Norbaitek asmatu du? 
Hemen daukazue dantzari batek egindako interpretazio bat.

abenduak 07, 2016

GABON KANTAK

Has gaitezen ahotsak berotzen gabonak gainean ditugula!
Hemen topatuko dituzue aurten abestuko ditugunak. Etxean ere ikasteko aukera izango duzue!

Egin KLIK irudian abestietara joateko.




azaroak 28, 2016

ERRITMOGRAMA: "Sebillako barberua" (Giaccomo Rossini)

Erritmograma honekin Rossiniren musikaz gozatuko dugu: "Sebillako barberua".



Zein da opera honen argudioa?

Almaviva kondea eta Rosina maiteminduta daude, baina Bartolo, Rosinaren nagusia dena, Rosinataz maiteminduta dago eta harekin ezkondu nahi du.
Almavivak eta Rosinak, Figaro barberuaren laguntzarekin ihes egiten lortzen dute eta azkenik ezkontzen dira.

azaroak 15, 2016

Erdi Aroko kanona: "Sumer is Icumen in"

Erdi Aroko musika egiteko beste baliabidea prestatu dizuet. Kasu honetan "Sumer is icumen in" kanona da. XIII. mendeko musika-lana da eta udararen etorrera ospatzeko erabiltzen zen. 
Baliabide hau jatorrizko bertsioaren moldaketa bat da gelan ditugun instrumentu melodikoekin jo ahal izateko.
Ahotsak edo eskemak banatzen dira eta horiek ostinato moduan interpretatzen dira bata bestearen atzetik sartuz.




azaroak 10, 2016

Qiyan: Erdi Aroko musika arabiarra.

Aste honetako musika-txokoan Marokora bidaiatuko dugu bertako musika herrikoia ezagutzeko.
Herrialde honek musika-estilo anitzak baditu, erakutsi nahi dizuedana Qiyan izeneko musikariarena da.

Qiyan-ak Erdi Aroko emakume musikariak eta idazleak ziren. Beste instrumentuen artean lautea eta adufea jotzen zuten, konpositoreak ziren, olerkiak idazten zituten eta oso dantzari onak ziren... esan dezakegu talentu handiko emakumeak zirela. 

Hemen garai honetan erabiltzen ziren instrumentuak topatuko ditugu:
LAUTEA

ADUFEA
(Instrumentu hau panderoren familiakoa da, beraz perkusioko tresna da)
RABEL
AL-BUQ
(Euskal Herrian instrumentu hau alboka bezala ezagutzen dugu. Jatorri arabiarra dauka.)

DARBOUKA
Esaten omen da haien kantuak erdi aroko trobadoreentzak inspirazio iturri izan zirela. Hona hemen, Qiyan emakumeen musika:

azaroak 06, 2016

Vivaldiren udazkena. Ipuina eta erritmograma.

Bideo hau Musicaeducaren udazkeneko ipuinaren egokitzapen bat da. Ipuin hori beti gustatu izan zait Vivaldiren musika ezagutarazteko modurik onena delako, baina erderaz dagoenez ez dugu eskolan erabili.  

Nire laguntzaile faboritoen laguntzaz euskaratu dugu eta hemen euskarazko bertsio bat, "etxekoa", aurkezten dugu.



Ipuinaren bidez Vivaldiren lana ezagutuko dugu, baina gauzarik onena musika egitea denez, erritmograma honekin musika-tresnak ere erabiliko ditugu.

azaroak 03, 2016

60., 70., 80. eta 90 hamarkadetako arrakastak.

Blog itzel honetan, hamarkada horietako musika-arrakastak aurkitu ditzakegu. 
Irratiko "musika eskaintza"ren aukeraketa egiteko ezin hobea!


urriak 27, 2016

MUSIKAREN HISTORIA: musika idazkuntzaren hastapena.

Musikaren historia eskolan lantzeko edukiarik zaiena dela iruditzen zait. Normalean gai hau ikasleei ez zaie interesatzen eta nire esperientzian behintzat hori landu behar izan dugunean askotan kexatu izan dira eta ez dute interes handirik erakutsi. Ondorioz, hortikan gutxira azaldutakoa ahaztu egiten dute.

Material batzuk prestatu izan baditut, bideo euskarri bat falta zitzaiguna sentitu izan dut.  

Horregatik lanean jarri naiz eta bideo bat prestatu dut. Howard Goodall-ek egindako dokumentalaren laburpen bat da. Bertan saiatu naiz musika idazkuntzaren hastapena azaltzen. Ea kontzeptuak bisualizatuz hobeto ulertzen eta barneratzen dugun! 

Gai honetan sakontzeko interesaturik egonez gero, dokumental osoa lotura honetan ikus dezakezue. 

urriak 20, 2016

Errealitate birtuala. Sketchfab.

Sarrera honetan ez dut musikari buruz ezer aipatuko, baina hau ikusi izan dudanean konpartitzeko gogoa piztu zait harrigaria iruditu zaidalako.
Ez dakit ezagutzen duzuen sketchfab. Aplikazio honekin edozein objetua 3Dn sor dezakegu. Baina lasai, 3D-arekin disfrutatu dezakegula lanarik egin gabe aplikazio horretako erabiltzaileek haien lanak konpartitu dituztelako. 
Eta ez hori soilik, errealitate birtuala esperimentatzeko aukera ere izango dugu. 3D-ko betaurrekoak izanez gero, objetu horiek hantxe bertan egongo bagina bezala ikus ditzakegu.

Web horretan salseatzen San Juan de Gaztelugatxeko 3D-ko eredu honekin topatu naiz.  Ermita modu sinistezinean ikusiko duzue. Nik behintzat flipatu dut... 

Klikatu irudiaren gainean eta botoia askatu gabe mugitu sagua!

urriak 18, 2016

Moby. “Are you lost in the world like me”

Proposatzen dizuedan bideoa Richard Melville Hall (Harlem, York Berria) musika elektronikoko konpositorearen azken lana da. "Moby" izenaz ezagutzen da, eta jakin izan dudanean nondik datorren bere ezizena sorpresa handia hartu dut. "Moby" bere biraitonaren omenez dator. Herman Melville zen, Moby Dick bale zuri beldurgarriaren aita.

Azken lan honetan Mobyk gaur egungo gizarteak sare sozialarekiko pairatzen duen dependentzia smartphonen bidez kritikatzen du oso modu zorrotzean. Hala ere, sare sozialak aipatzeaz gain, egun hain modan dagoen  "Pokemon go" ere ukitzen du.

urriak 14, 2016

Kanta bilduma.

Elkarrekin daramagun denbora honetan kanta asko egin ditugu. Nire faboritoenak WIX formatoan jarri izan ditut aplikazio horrek behar dugun guztia biltzen uzten didalako (audio, partitura, irudiak, bideoak...). 

Gure abestien familia gero eta handiagoa denez, pentsatu dut horiekin guztiekin bilduma bat sortzea. Gaiaren arabera sailkatutak daude, beraz norbaitek faboritoren bat badauka espero dut modu honetan bilaketa errazagoa egin ahal izatea!


urriak 05, 2016

Euskal musika-taldeen bideo-aurkezpenak.

Proiektu honi esker, gaur egungo euskal musika-taldeak ezagutuko ditugu. Jarduera honetan, euskal musika-talde bati buruzko bideo bat egin beharko duzue, eta horretarako bi baliabide erabili beharko dituzue: Badok eta Biteable.

   


Zer egin beharko dugu lan honetan? 

1. PAUSOA
Badok web-orrialdean sartu. Bertan, euskal musika-taldeei buruzko informazio asko aurkitu dezakegu, baina gu atal honetan zentratuko gara: musikariak.


Sartuko zaretenean, gustuko duzuen musika-estilo bat aukeratuko duzue (blues, rapa, triki-popa, rocka, reggaea, trikitia, ska...) eta ondoren, musika-estilo horretako musika-talde bat aukeratu.

Eta nola egingo dugu bideo hori?

2. PAUSOA
Bideoa sortzeko erabili beharko duzuen aplikazioa hau da: 
Zuen bideoa sortzen hasteko klikatu mezu honetan "Create a new video" eta ondoren bilatu eta klikatu "START FOM SCRATCH".



 Jarraian, bideoaren izenburua idatzi zuen izenekin. 
Ondoren, klikatu Get started.

Pauso honetan txantilloi bat aukeratu beharko duzue. Lerroak dituztenek testua idazteko balio dute; You image here jartzen dutenek argazkiak jartzeko balio dute.



Diapositibak editatu beharko dituzue. Guztira 13 diapositiba izango dira eta diapositibak gehitzeko hau klikatu beharko duzue:
Horietako bakoitzean informazio hau azaldu behar da:
  1. diapositiba: musika-taldearen izena. 
  2. diapositiba: idatzi nongoak diren.
  3. diapositiba: musika-taldeko partaideen izenak.
  4. diapositiba: musika-estiloa.
  5. diapositiba: taldearen argazkia.
  6. diapositiba: taldearen argazkia.
  7. diapositiba: taldearen argazkia.
  8. diapositiba: Taldearen hiru abesti idatzi.
  9. diapositiba: abesti baten izendurua idatzi.
  10. diapositiba: abesti baten izendurua idatzi.
  11. diapositiba: abesti baten izendurua idatzi.
  12. diapositiba: Bideoaren egileak idatzi.
  13. diapositiba: zuen izenak.

3. PAUSOA
Diapositiba guztiak editatu ondoren, gustuko duzuen taldearen bideoklipa Youtuben bilatu, URLa kopiatu eta bidali nire korreora (anamusika).
Bideoaren audioa zuen korreora bidaliko dizuet; gorde ordenagailuko karpetan. Audio hori zuen bideoan jarriko duzue. Bueltatu Biteable aplikaziora eta klikatu AUDIOan zuen audioa igotzeko.

Sakatu upload a track
Bilatu audioa ordenagailuko karpetan eta igo.

4. PAUSOA:
Azken pausora iritsi zarete! 


Build my preview klikatu eta apikazioak zuen lana bideoa bihurtuko du. Listo! Ez duzue ezer gehiago egin behar. Bideoa niri iritsiko zait eta gelanaurkezpenak egingo ditugu!

Lanaren adibide bat utziko dizuet: 


irailak 30, 2016

ERRITMOGRAMA: Brandenburgoko 2. kontzertua (J.S. Bach)

Beltzen eta zurien irakurketa lantzen jarraitzeko, bideo hau proposatzen dizuet.
Erritmograma egiteko, J.S. Bach-en Brandenburgoko 2. kontzertua aukeratu dut aurten gure irratian elkarrizketatuko diotela aprobetsatuz. Beraz, bideo hau aurrerago berreskuratuko dugu.

Momentuz eta Bach-en irudian sakondu gabe, beltza eta zurien erritmoak praktikatzeko balioko digu.

irailak 29, 2016

"Baketak" kantarako bideoa.

Orain dela gutxi baketak ongi heltzeko kanta bat  sortu nuen. Bideo edizioa gustatzen zaidanez, kanta horretarako bideo bat prestatu dut. Ea balio digun eta ea baketak ongi heltzen ikasten dugun!

Munduko musikak. Bi baliabide.

Lehenengo baliabide honetan abestiak eta errimak kontinenteka antolatuak aurkituko ditugu.


Bigarren honetan, Arantxa Llames musika-irakasleak sortutako WIX-a. 

irailak 26, 2016

Erritmoa: beltzak eta zuriak.

Ikasleei beltzak eta zuriak desberdintzen irakasten diedanean, beltzek erlojuaren "tik-tak" bezala eta zuriek erlojuaren "din don" bezala egiten dutela esaten diet. Adibideak egiten ditut eta gero, beraiek errepikatzen dute. Praktikatu ondoren, fitxa hau gauzatzen dute.

Adibideak neuk egin beharrean audiobisual baten beharra ikusten nuen hobeto azaltzeko; horregatik, bideo hau prestatu dut. Bertan erlojuaren soinuak, irudi erritmikoak eta silaba erritmikoak bat egiten dute.


irailak 12, 2016

Erdi Aroko musika eta stop motion eskolan.

2016-2017ko ikasturte honetan, hirugarren zikloan Stop Motion-eko tailer bat gauzatuko dugu eskolan. Ideia honen jatorria alde batetik , stop motion-eko teknika ikasleei ezagutaraztea, eta bestetik, musikaren historia ikasleentzat erakargarria bihurtzea izan da. Beraz, bi ideia hauek batuz Stop Motion-eko tailer hau sortu da.

Tailer honen metodologia lan kooperatiboa izango da. Lauzpabost ikasleko lau talde sortuko dira eta bakoitzak beheko gaien artean bat aukeratu beharko du bere laburmetraia sortzeko:
  1. Erdi Aroko gizartea
  2. Musika erlijiosoa
  3. Musika profanoa
  4. Guido d'Arezzo  

Musikako ordutegian, Erdi Aroko musika baliabide hauekin landuko dugu (teoria eta ebaluazioa), eta beste guztia stop motion-eko tailerrean. 

Musika, hizkuntza, informatika eta plastika-arloek bat egingo dute tailer honetan. Astean behin, ordu eta erdiko 7 saioak izango ditugu proiektu hau aurrera eramateko. 

Antzinako marrazki bizidunak teknika honekin egiten baziren ere, gaur egun badaude pelikula batzuk horrela sortu direla: Pesadilla antes de NavidadShaun ardia eta orain dela gutxi estrenatutako Kubo y las dos cuerdas mágicas esate baterako.

Irudi honetan klikatuz gero, proiektu honen plangintza orokorra aurki dezakezue. 
Beste eskoletan animatzen bazarete horrelako proiektuak aurrera eramaten, komentatu eta bidali zuen lanak, asko gustatuko litzaiguke horiek ikustea eta ziur gauza berriak ikasiko ditugula! 


Hau da emaitzaren adibide bat etxean egindakoa:


DESKARGAK:

FITXAK

ROLAK

TUTORIALAK

irailak 11, 2016

Erritmograma: "Batuka"

Erritmoa lantzeko ariketa hau erabiliko dugu lehenengo egunetan errepasatzeko. Bai gorputzarekin bai perkusio txikiko tresnekin egin dezakegu. 


irailak 08, 2016

"Somewhere over the rainbow" bertsio instrumentala.

Clases de música en ESO bloggean, baliabide hau topatu dut. Sorpresa oso ona izan da kanta hau "temazo" bat iruditzen zaidalako eta onena da, instrumental bertsioan dagoela!


irailak 07, 2016

Eskala musikala ikasteko kanta.

Kanta hau jatorriz, La canción de Juan da, "Cantajuegos" taldekoa. Asko gustatu zitzaidan eta euskaratu nuen; geroztik, beti erabili dut, baina orain, Juanen abestia deitzen da! 
Gustatu zitzaidan erritmoagatik eta errepikakorra delako. Baldintza horiekin, eskalako doinua oso ongi barneratuta gelditzen da eta marakakin jotzeko ere oso aproposa da.




irailak 06, 2016

PENTA-RAP Pentagramaren rap-a

Kanta 1. mailan erabiliko dugu, eta pentagrama zer den eta nolakoa den ikasteko balio digu. Hoberena da rapeatzen egiten dugula!




Oihartzun moduan egingo dugu, hau da, lehenengo irakasleak esaten du, eta ondoren, ikasleek errepikatzen dute. 
Ongi ikasten dutenean, irakaslearen rola ikasle batek egin dezake. HEMEN, raparen oinarria, ahotsa gabe, jeitsi dezakezue. 


irailak 05, 2016

Gorputz-perkusioa egiteko kanta: Maracuya.

Orain dela denbora bat, Maria Jesús Camino irakaslearengandik, Maracuyá kanta ezagutu nuen. Asko gustatu zitzaidan, eta gustuko ditudan kantekin gertatzen den bezala... oinarri instrumental bat egin nuen, kasu honetan, swing modukoa. Gorputz-perkusioa lantzeko ere oso aproposa da, eta eskematxo batzuk proposatu ditut.

Lehenengo egunetan erabiliko dugu, horrela modurik onenean hasiko gara, abestuz eta mugituz!!




abuztuak 31, 2016

Baketak nola heldu behar dira?

Pasa den ikasturtean bultzada handia eman nien plaka-instrumentuei lehenengo mailatik seigarren mailara, eta arazo batekin topatu nintzen: azaldu arren, ikasle asko ez zuten ongi ikasi baketak egoki heltzen. Haien joera da hatz erakuslea luzatzea makilaren gainean eta ondorioz instrumentuak behar duen erresonantzia ez du lortzen, besteak beste.

Etxeko paperen artean baketei buruzko kanta batekin egin nuen topo. Bertan baketak hartzeko posizio egokia azaltzen da eta hori ikasteko metodo oso ona iruditu zait. Egilea Gregorio Vicente Nicolás da, eta hau da aurkitutako letra:

Cojo las baquetas con ínice y pulgar,
luego las abrazo no se vayan a escapar.
Con brazos y con pecho un triangulo formé,
miramos la hora, los hombros bajaré.

Haren ideiatik abiatuz, kantatxo hau sortu dut non baketaren posizioa ongi adierazita gelditzen da. 
Moldaketa eta doinua nik asmatutakoak dira; ea kantatzen eta dantzatzen ongi ikasten dugun!



abuztuak 30, 2016

Irudiak margoetan bihurtu: PsykoPaint.


Aplikazio honek irudiak margoetan bihurtzeko aukera eskeintzen du. Erabiltzen hasteko izena eman behar dugu. Gehiena erderaz dagoen arren, gauza batzuk ingelesez agertzen dira.

Emaitzak sortzaile eta kuriosoak dira. Hemen, jatorrizko irudiaren eta editatutako irudiaren artean dagoen  aldaketa ikus dezakezue. 

GAZTELUGATXE. BERMEO.


abuztuak 28, 2016

Kantu polifonikoa. Zer da?

Kantu polifonikoa eztarri-kantua bezala ere ezagutzen da. Faringe eta ahoaren artean sortzen den dirdiraren ondorioz gertatzen da. Teknika hau menperatzen dutenek bi soinu edo gehiago sor ditzakete.

Batez ere Erdiko Asiako musika herrikoian topatzen da (Errusiako "Tuva", Mongolia, Tibet, Uzbekistan eta Kazajistan), baina Europako eta Afrikako zenbait eskualdetan ere aurki dezakegu.
Kantu-mota hau musika-tresna sinplez lagunduta dago eta geografia horietako giro naturala irudikatzeko erabiltzen da. Harrigarria da!

Lehenengo bideoan Anna-Maria Hefele topatuko dugu eta oso ondo azalduko digu kantu honek zertan datzan!

uztailak 26, 2016

Irudien neurria aldatzeko: ResizeYour Image.

Askotan gertatu zait blogean txertatu ditudan irudiak, nire gustorako, handiak geratu direla, baina bloggak irudi horien neurria aldatzeko eskeintzen dituen aukerak mugatuak dira.

Ekartzen dudan aplikazioak, ResizeYour Image irudi horiek aldatzeko aukera uzten du oso modu errazan; gainera, formato anitzak onartzen ditu: gif, jpg, png, tiff, raw, txt...
Ez dugu izena eman behar, eta erabilpena oso erraza da:

  1.  Ordenagailutik irudia igoko dugu.
  2.  Irudia moztuko dugu nahi dugun tamainara.
  3.  Irudia txikiagoa bihurtu nahi badugu "disminuir zoom" klikatuko dugu gure irudia mozketaren tamainara egokitzeko; irudia handitu nahi badugu, "+ zoom" sakatuko dugu.
  4. Bukatzen dugunean "preparado" botoi laranjari emango diogu.
  5. Leiho berri bat irekiko da eta nahi dugun formatoa aukeratuko dugu (gif, png edo jpg)
  6. "Ahorrar" botoi laranja sakatuko dugu eta zuzenean ordenagailuan gordeko da.



uztailak 23, 2016

Irudien aurkezpenak egiteko aplikazioa: Kizoa.

Aplikazio honekin irudien aurkezpenak oso ederrak egin ditzakegu. Erderaz dago, eta niretzako bere alderik onena, aurkezpenari musika txertatu ahal diogula da.
Izena eman behar da eta erabilpena erraza da. Adibide bat uzten dizuet:


uztailak 08, 2016

Irudi animatuak sortzeko baliabidea:PicMix

Web-orrialde honetan gure irudiak animatu ditzakegu. Bere alde ona da ez dugula izena eman behar eta ikasleekin erabili dezakegu inongo oztoporik gabe.

Erabilpena oso-oso erraza da. "Creación PicMix" klikatu behar dugu, gure irudiak igotzen ditugu eta horiek editatzen hasten gara.

Bukatzen dugunean, "acabar" sakatzen dugu. Beste lehio bat irekiko da, izenburu bat jartzen diogu gure lanari, eta amaitzeko "registro" klikatzen dugu.