apirilak 27, 2020

Gernikako bonbardaketa.

Atzo, apirilak 26, 83 urte bete dira Gernika  bonbardatua izan zela. Aurten gai hau 6. mailan landu nahi nuen baina bizitzen ari garen egoera dela eta, ezin izan dugu behar bezala egin. 

Dena den, gertaera honi buruz jakin eta ausnartu dezakegu etxean gaudela eta hortaz, hemen partekatzen dizuet sortu nuen materiala. Kultura-iturri batzuk baliatuz (Francisco Escudero, Picasso eta Ken Zazpi) umeek gertaera hau ezagutu dezakete. 

Memoria historikoa ezinbestekoa da oraina eta etorkizuna  ulertzeko, iraganeko gertaerak ezagutu behar ditugu izandako erruak ez errepikatzeko, barkatzeko, injustizien kontra mugitzeko, gerren kontrako aldarrikapena egiteko...

Klikatu irudian eta iraganera bidaiatu! 



apirilak 19, 2020

"Aitor Ikastolan Kantuz". Badugu bideoa!

Bideoa ikusi baino lehen, zuen inplikazioa eskertu nahiko nizueke. Asko hunkitu naiz ikustean musikari esker, nola bizi izan duzuen, nola disfrutatu duzuen, nola konpartitu duzuen eta azkenik, nola lortu dugun elkarren ondoan egotea. Horregatik, lan asko suposatu izan badu ere, milaka aldiz pena merezi izan du. Mila esker bihotzez!