urtarrila 07, 2018

Danborrada: galderak eta marrazkiak.

Gabonetako oporretatik bueltatu bezain laster, jada danborradaren giroa sentitzen hasi gara! 

Musika Txokoan honi buruzko galdera batzuk egingo dizkizuet, eta beti bezala, erantzunak hemen aurkitu ditzakezue.

Donostiako festaren jatorria, Napoleonen tropa frantsesek hiria okupatu zuten momentutik dator.

1800. urte inguruan, soldadu horiek Donostiako hirian guardiak egiten zituzten eta desfilatzen zuten bitartean, danborra jotzen zuten. Kalean, hiriko jendearekin zeharkatzen ziren.

Garai hartako donostiarrak, alde zaharreko iturrietara joaten ziren haien barrilak urez betetzeko. Oso bromazaleak zirenez, soldaduak imitatzen zituzten barrilak jotzen. Hemendik dator danbor eta barrilen erabilera danborradan.
Hemen dauzkazue egingo ditudan galderak:

1.      ZEIN URTE INGURUAN DONOSTIAKO HIRIA OKUPATU ZUTEN FRANTSESEK?
2.      SOLDADUEK GUARDIA EGITEN ZUTENEAN NOLA DESFILATZEN ZUTEN?
3.      NORA JOATEN ZIREN DONOSTIAKO HIRITARRAK?
4.      BARRILAK ZERTARAKO ERABILTZEN ZITUZTEN?

Marrazki batzuk egin ditut, eta gustoko badituzue, horiek margotzeko aukera ere badaukazue. KLIKATU HEMEN fitxa hau deskargatzeko.







iruzkinik ez:

Argitaratu iruzkina

Zerbait komentatu nahi duzu?