irailak 27, 2017

Notazioaren hastapena "kapsuletan".

Beste buelta eman diot musika idazketaren gaiari ez nengoelako oso konforme aurreko ikasturtean sortu nuen bideoarekin... Probatu genuenean gauzak ez ziren oso argi gelditu. 10 minutuko bideo horretan gauza asko azaltzen ziren eta kontzeptu batzuk ez ziren ongi ulertzen. 
Beste proposmen bat dakart: notazioaren hastapena 4 minutuko bi "kapsuletan". 

Lehenengo bideoan musika idazteko lehenengo saiakerak azaltzen dira (neumak), eta bigarrenean ikusiko dugu nola Guido d´Arezzok, Italiako fraile batek, guk erabiltzen dugun musika idazteko modua asmatzen duen. 





irailak 22, 2017

Haur-kanta: "Florinda behia"

Kanta hau Antonio Bejaranoren sitean topatu nuen aspaldi-aspaldi, eta oso polita iruditu zitzaidan haur hezkuntzan egiteko; "Suena-suena" metodokoa da.

Gitarraz lagunduta abesten dugu, baina bideotxo bat sortzeko gogoa nuen eta askotan bezala, etxekoei laguntza eskatu diet. Mila esker languntzeagatik!! 


irailak 18, 2017

Saritzeko kartak.

Musika-gelan PRAKTIKA ONAK izateagatik sari batzuk lortu ditzakezue. Zer dira praktika onak? Gelako arauak errespetatzea eta lan pertsonalean saiatzea, batik bat. 

Ez dira saio guztietan banatuko, baina klase guztietan izandako PRAKTIKA kontutan hartuko dut. Lanaren bukaeran emango dira eta erabilpen bakarra dute. Hau da, praktika instrumental bat egiten ari bagara, lan horren azken saioan banatuko ditut, edo alderdi teoriko bat ikasten ari bagara, gai horren bukaeran banatuko ditut zuek egindako lana kontutan hartuz.


 
 

Nahi izanez gero, HEMEN KLIKATU deskargatzeko.


irailak 05, 2017

Motoreak pizten... 1, 2...... RAMONES!!!!

RAMONES musika-taldea ezagutuko dugu, eta modurik onena gu geuk musika egiten izango da.

Beraz, klasean ditugun instrumentuei hautsa kenduko diegu. Zeintzuk beharko ditugu? teklatuak, kuboak, xilofonoak, tutuak eta txirula. Aleeeeeee!! hau da hau sortuko dugun banda!!!

Kuriosetatea badaukazue, klikatu irudian eta salseatu. Zein instrumentu gustatuko litzaizueke jotzea? Joan zaitezte pentsatzen...


Baina, zeintzuk dira Ramones?

Rocka izugarria maitatzen zuten 4 mutil, Ramones musika-taldea sortu zuten 1974. urtean.
Laurok The Beattles taldeko kidea zen Paul McArtneyen super fansak ziren. 
Paul McArtney oso-oso ospetsua zen eta asko bidaiatzen zuen. Behin, hotel batean zegoela ez zuen gendearen aurrean nabarmendu nahi, eta hotelaren harrera-lekuan izen faltsu batekin izendatu zen: Paul Ramon.

Gure lau lagun txaskarrilo honen berri izan zutenean, ez zuten beraien artean eztabaidatu; sortu zuten taldeari Ramones izendatu zioten Paul McArtneyren omenez.

Egiten zuten musika berritzailea zen eta honengatik, punk musika-korrontearen asmatzaileak izan ziren.

Oso ospetsuak bihurtu baziren, beraien hasierak oso gogorrak izan ziren. Haien lehenengo kontzertua, York Berriko areto batean izan zen eta zioten arabera, bakarrik bi pertsona bertaratu ziren!
Baina ez zuten amore eman horregatikan… tinko jarraitu zuten eta ostean lortu zuten arrakasta mundiala izan zen!