urtarrila 07, 2017

Erdi Aroko argitzaileak bezala!

Gogogoratzen duzue Guido d´Arezzo? berak musika idazkera asmatu zuen, ezta? tetragrama eta nota musikalen izenak, bai?
Klasean, Guidoren garaiko partitura batzuk ikusi ditugu, baina galdetu diezue noizbait zuen buruei zeinek idazten zituen partitura eder horiek? Guido berak??

Ez. Dakizuenez, garai horretan fotokopiagailuak eta inpresorak ez ziren existitzen, beraz, liburuen idazkera lau pertsonen artean egiten zen:
1. KOPISTA: idazten zuena zen.
2. ZUZENTZAILEA : kopistak egindako akatsak zuzentzen zituen (tipexa ere oraindik ez zen asmatu...).
3. ERRUBRIKATZAILEA: errubrikak egiten zituena zen. Errubrikak dira testu baten lehenengo letra. Beste letrak baino handiagoa eta landuagoa da.  
4. ARGITZAILEA: Partitura argitzen zuena zen. Sormen handiko pertsonak izaten ziren eta partitura apaintzeaz arduratzen ziren.

Lan guzti hau SCRIPTORIUMen egiten zen. Bideo honetan ikus dezakezue hura nolakoa zen, eta blog honetan informazio gehiago topatu dezakezue: la habitación cerrada

Guk egingo dugu argitzaileen lana: Erdi Aroko partitura bat argituko dugu. Baina aurrera jarraitu baino lehen, jarriko dizuet Erdi Aroko argitzaile baten lanaren simulazio bat:


Zuek argitzaile bihurtu ahal izateko, txantilloi batzuk sortu ditut (bukaeran hauek deskargatzeko aukera topatuko duzue). Bueno, sortu, sortu baino... kopistarena egin dut jatorrizko partitura batzuetatik atera ditudalako! Hemen, nik egindako adibideak, egia esan, hau egitea pila bat gustatu zait! Espero dut zuek ni bezala disfrutatzea! Gustukoena aukeratuko duzue:

 

Lan hau hiru fasetan burutuko dugu:
1. FASEA
Gehien gustatzen zaizuen txantilloia aukeratuko duzue eta ondoren, zaharkituko ditugu teknika honekin. Hau da beharko dugun materiala: kafe solublea, ontzi bat, goiradatxo bat, ura, kotoia eta zahartu behar dugun orria.  
  1. Papera zimurtu ahalik eta gehien.
  2. Papera berriz ireki eta lisatu ahal duzuen gehiena.
  3. Paper bakoitzeko, kafe solubleko goiradatxo bat hartu (Nescafe modukoa) eta goraida horren erdian ura jarri. Ontzian nahastuko duzue.  
  4. Kotoi zatitxo bat kafe-nahasketan busti.
  5. Paperaren gainetik pasa.
  6.  Lehortzen utziko dituzue hurrengo klasean margotzen hasteko.

2.FASEA 
Margotzeko momentua iritsi da. Bakarrik bi jarraibide emango dizkizuet:
1. lerroak gorriak izan behar dira (Guio d´Arezzok horrela asmatu zuen, beraz fidelak izan behar gara)
2. notak eta letrak beltzez.

3. FASEA
Partitura bukatuta egongo denean ertzak erreko ditugu. LISTO!


Proiektu honen ideia ez da nirea izan, blog batzuetan lan honekin topatu banaiz, jatorrizko ideia blog honetakoa da: webdemusica. (Zoritxarrez ez dut inon aurkitu web honenganako aipamenik eta ideia mundiala iruditu zait... beraz, webdemusica, zorionak!)


Inprimatzeko txantilloiak:
B letra
D letra
E letra
M letra
S letra
Osatzeke

Hauek dira errubrika batzuen adibideak kopiatu nahi badituzue.



iruzkinik ez:

Argitaratu iruzkina

Zerbait komentatu nahi duzu?