maiatzak 31, 2016

Musika Erdi Aroan

Nolakoa zen Erdi Aroko musika? Zer da kantu gregoriarra?, eta musika profanoa? pentagrama betidanik existitu al da?

Galdera hauei erantzuteko Erdi Aroko musika-munduan murgilduko gara. Klikatu irudian sartzeko!

maiatzak 26, 2016

SIOUX kanta indiarra

Kanta honekin galdera-erantzunaren egitura lantzen da. Abestia ostinato erritmiko erraz batekin laguntzen dugu (guk plastikozko kubo batzuk erabili ditugu danbor moduan). Baina erraza dirudi arren, gauzak konplikatzen dira aldi berean kantatu eta jo behar dugunean. Gainera oso adi egon behar dugu bai ongi intonatzeko, bai tokatzen zaigun momentuan kantatzen hasteko! 



maiatzak 24, 2016

PS22 CHORUS, irratiari agurra emateko.

Aurkeztuko dizuet haur-abesbatza ezohikoa bat. Bere izena PS22 Chorus da eta York Berriko auzo arazodun bateko eskola publiko batean sortutakoa izan da. 10-11 urte bitarteko haurrek parte hartzen dute.

Abesbatza sortu duena Gregg Breinberg deitzen da. Musika teoriako eta konposizioko ikasketak  burutu ditu baina bere pasioa irakaskuntza da.

 Eskola horretako umeei bizipen positiboak emate arren sortu du abesbatza, eta bere entsaioetako bideoak youtubera igotzen hasi den momentutik, oso  arrakastatsua bihurtu da. Gaur egun, 30 milloi bisitak baino gehiago jaso dituzte.


Gregg Breinberg-ek abesbatzarako erabiltzen dituen kanta guztiak  moldatu ditu eta batzuetan ere abestien letrak umeentzako egokitu ditu. 
Haren moldaketen artean gaur egungo musika-taldeen kantak aurkitzeaz gain (Lady Gaga, Bruno Mars, Adele, Beyoncé…) berak idatzitako kantak ere topa ditzakegu.

Hemen utziko dizuet haien lanetako bat: Pharrell Williamsen “Happy” abestiaren bertsio bat. Zoragarria!

maiatzak 16, 2016

"Mari Txindoki" abestia lantzeko baliabidea.

Kanta hau gure euskal mitologiako Mariri buruzkoa da. Aurkezten dudan baliabide honetan Mariren kondaira, abestiaren oinarri instrumentala eta gorputz-perkusioa egiteko proposamen bat bildutak agertzen dira.

maiatzak 11, 2016

Guillermo Tell. Stop Motion.

Stop Motion animazio teknika bat da non objektu estatikoek segidako irudi multzo bat erabiliz, mugimendua lortzen dute.
Etxean, Guillermo Tellen kondaira eta Rossini konpositorearen musikaz baliatuz, stop motion-eko "pelikulatxo" hau sortu dugu.
Prozesuak lana eman digu pertsonaiak aukeratzen, eszenatokiak marrazten, plastinarekin behar izan ditugun objektuak egiten, baina poliki-poliki joan gara forma ematen istorioari.



Bideo hau sortzeko "premiere" programa erabili dut, baina badago android mobilentzako aplikazio bat oso gomendagarria:
Aplikazio honek muntai sinpleak egiteko aukera eskeintzen du. Bere alde onena da proiektua ordenagailuan gordetzeko aukera eskaintzen duela. Beraz, gelan edo etxean animatu gaitezke istorio laburrak sortzera, sormena landuko dugu eta ziur gure umeak asko disfrutatuko dutela!

Hemen PicPac doako bertsioarekin sortutako etxeko bertsio bat:

maiatzak 06, 2016

Boomwhackalacka Extreme. 6.C maila eta plaka-instrumentuak.

Aspalditik kanta hau probatu nahi nuen ikasleekin eta behingoz egin dugu. Emaitzarekin ez nago pozik, ez... HURRENGOA! hau da, nagoela SUPER pozik egin duzuen lanarekin, lan bikaina!!!. Hori bai, nekea eta energia utzi dugu bidean, baina uste dut pena merezi izan duela! ZORIONAK!