apirila 02, 2016

Mitoen Sinfonia. Francisco Escudero.

Orain dela urte batzuk aukera paregabea izan nuen Berritzegune Nagusiaren laguntzarekin proiektu bat aurrera eramateko. Francisco Escudero konpositorearen mendeurrena zela eta, hari buruzko unitate didaktiko bat argitaratzeko aukera suertatu zitzaidan eta ilusioz, horri ekin nion.

Proiektu hori berritu dut eta EdiLIM software erabiliz, Escuderoren informazioa, kondairak, doinuak, sinfoniaren musika-tresnak eta jarduerak biltzen dituen liburu digital bat sortu dut. 4. mailan egiteko pentsatuta dago. 
Nire iritziz, formato honetan askoz erakargarriagoa gelditu da ikasleentzat.

Bihotzez konpartitzen dut eta erabilgarria izan dadila espero dut, konpositore honek utzitako musika-lan hau euskal kulturarako altxor bat delako.


Liburu erabiltzeko, edukinen zerrendan jeitsi eta sakatu HASTEKO KLIKATU HEMEN







LAN PROPOSAMENA
1. jarduera
Mitoen Sinfoniako kondairen inguruan galdera batzuk erantzungo dituzue.
  1. Kondaira hauek ezagutzen zenituen? Zeintzuk?
  2. Hiruretatik zein gustatu zaizu gehien?
  3. Zer sentitu duzu kondairen musika entzutean?
Bigarren entzuketa bat egiten dugun bitartean Mitoen Sinfoniako mugimendu bakoitzaren pertsonaiak marraztuko dituzu:
  1. Eskaintza: JoxeMiel Barandiaran
  2. Lamia
  3. Torto
  4. Mateo Txistu

2. jarduera

Mitoen Sinfoniak lau mugimendu ditu. Marrazketaren bidez hiru ezagutu ditugu. Gaur lehenengoan sakonduko dugu: "Eskaintza"

Zer egingo duzue? 
1. Zein da JoxeMiel Barandiaran?
2. Nongoa zen?
3. Zer egin zuen?
4. JoxeMiel Barandiaranen argazki bat bilatu interneten eta inprimatu.

3. jarduera
Jasotako informazio guztiarekin HORMAIRUDI bat sortuko duzue.

2 iruzkin:

  1. Erantzunak
    1. Eskerrik asko Iratxe, asko animatzen didazu! Orain ikasleekin "test-eatu" behar dut, ea ongi moldatzen diren eta batez ere, ea gustuko duten!

      Agur bero bat.

      Ezabatu

Zerbait komentatu nahi duzu?